政情：劉遵義料港幣冇人用
2010-02-23 15:00
上一則新聞: 政情：Ｄ姐呻問責制致公務員流失
本身係經濟學家嘅劉遵義話，十幾廿年前返內地消費，間間舖頭啲店員都爭住收港紙，但今時唔同往日，佢班朋友去內地打高爾夫球，畀一百蚊港紙貼士，職員居然唔肯收！職員指明話想收人仔，仲講明港幣兌換麻煩，收番嚟都無乜用喎，港紙倒轉頭畀人歧視，真係風水輪流轉啦。
劉校長話，依家唔少香港嘅舖頭都會收人仔，加上人民幣政策轉變快速，話唔定無幾耐就可以自由兌換，到時香港分分鐘人人都係使人仔，無乜人再用港幣。
對於呢個港幣「被邊緣化」問題，劉校長初步估計唔會對香港經濟做成好大影響，但課題咁大，詳細情況就真係要研究過先知啦！
討論:
| 分享: | |
|
|
|