政情：劉遵義結婚「先斬後奏」
2010-01-12 15:00
上一則新聞: 政情：政府爛船高官早走早着
六十五歲嘅劉遵義同細佢十五年嘅麥嘉軒撻着，全城嘩然，原來劉校長呢次嚟真，前日唔聲唔聲抱得美人歸，註冊儀式冚得好密，相信只有雙方至親觀禮。
劉生劉太結婚當日無擺酒亦無度蜜月，攜手走去中大參加校長盃球賽，劉校長當日介紹Honey時仍以未婚妻相稱，認真鬼馬，嘉軒不但無詐型，樂於做跟得夫人黐實老公。嘉軒無名指上戴上閃令令鑽戒，幸福盡在不言中。
劉麥完婚，唔少老友紛紛發短訊恭賀，劉校長好客氣，叫大家唔使送禮，話過咗婚期就唔收禮，否則唔吉利喎。咁講，都係唔想朋友破費至真。
討論:
| 分享: | |
|
|
|