政情：劉遵義嫌政府手腳慢
2009-10-05 15:00
上一則新聞: 政情：肥媽借楊哲安窒政府
劉校長尋日接受電台訪問時就話，日本、韓國同台灣嘅大學生入學率有百分之七十或以上，但係香港只有百分之十八，存在好大差距。呢啲地方嘅大學都有長遠嘅歷史，有啲甚至係國際學府添，即係話，呢啲大學有金漆招牌，收咁多學生，都冇濫收嘅情況。
呢堆數字好明顯就係話香港遠遠落後於鄰近地區啦！劉校長話香港大學生嘅入學率實在太低，最少應該提升百分之三十，所以香港需要私立大學，香港嘅大學每年收一千五百個內地生，依家收多一千五百個都唔算多，尤其係好嘅人才。
但同行會裏頭有另一位校長、教育學院校長張炳良早前又另有高見，佢話令香港成為教育樞紐唔一定要將教育產業化，應強化教育質素。總之行會不時都係一條多嘴街，煲呔曾做嘢手腳咁慢，行會成員百花齊放，都冇用喇。
討論:
| 分享: | |
|
|
|