鍾楚紅冷看追求者

2009-06-26 15:00

跟蹤提及過的人和物:

上一則新聞: 張苡澂喜見「水落石出」

 

鍾楚紅昨日穿上StellaMcCartney低胸露背裝出席「reenex．鍾楚紅〈青春．伴我回來〉」記者會，大會特地安排一部價值三百萬、剛抵港的紅色法拉利接載到場。席上大會播出紅姑昔日的作品，又安排了兩名小孩以她片中的造型登場，令紅姑笑逐顏開。問到紅姑可有心癢復出？她笑說：「講過好多次，冇話過退出或復出，唔好咁婆媽啦。我一路都有做代言人，不過冇打算拍戲。」紅姑續說：「我唔使喺水銀燈下先可以搵到開心，依家我好充實。（之前搵你演武則天？）我冇聽過，如果我想，可以搵人度身訂造一個劇本，不過依家鍾意做觀眾多過拍電影。」紅姑看着兩名小孩以她當年的造型登場，笑逐顏開。

問到紅姑現時是否已預備好接受追求？她打趣說：「好難講，依家都冇，自己活過半世人，都唔係太在乎有冇追求者，依家神已經係我個男朋友。」說到有傳林青霞有意復出，她說：「佢係眾人偶像，佢開心嘅話當然支持佢，不過一定要係佢真心想，而唔係畀人威逼利誘。（有弦外之音？）唔係，只係講笑。」紅姑坦言有段時間不想面對公眾，直至接了這個廣告做代言才OK，之後便會投入環保和公益事務。
討論:
分享: