中環出更：麥嘉軒接媽咪捧 搞婦女事務
2007-12-11 15:00
上一則新聞: 政情：蔣麗芸拍住張學明勢頭勁
前運輸司麥法誠太太兼張國榮家姐張綠萍好耐冇公眾場合現身，但係佢依然keep得好好。佢一對孖女麥嘉軒及麥嘉殷當年張國榮喪禮上出現過，原來佢兩個依家事業有成，一個係四大會計師行高層，另一位係律師。
麥嘉軒當日都有出席婦女事務委員會活動，原來佢都獲委任為委員會委員，張綠萍已經做六年委員，係時候退落，好由個女接力。唔講唔知，會計師呢行近年特別搶手，婦女事務委員會都需要一名會計師，麥嘉軒入去，一定幫到手。
張綠萍幾年前已經榮升做埋外婆，抱埋男孫同女孫，真係happy到發夢都笑醒喇。今個聖誕節，佢會同老公、阿女及乖孫齊齊去日本北海道滑雪，羨慕死人。
到今時今日收成期，張綠萍都暗暗嘆句：靚太真係唔易做！佢幾忙都好，身邊一定帶住兩本大筆記，一本記低屋企雜務，另一本記低公事，張綠萍話：「好老婆要乜都管，柴、米、油、鹽、水費、電費，都要記得清清楚楚，千祈咪假手於工人呀。」將頭家管得妥妥當當，老公自然錫晒你喇。
唐媽媽仔冇價講
至於唐媽媽，佢好謙咁話：「我都係做番本分。」本分兩個字包含好廣，咁即係點呢？唐媽媽再路話，做阿媽一定要有原則，仔千祈咪「講價」。「千祈唔好同仔女bargain（討價還價），好似我仔咁，我話九點覺就要跟足，九點半都冇價講。」正所謂嚴母出孝子，唐媽媽用鐵腕政策出成績，大家都有眼睇喇。
卓妮會計師麥嘉軒（左）加入婦女事務委員會，接媽咪張綠萍的棒。（嚴少阡攝）
討論:
| 分享: | |
|
|
|