中環出更:陳德立唔當差夜夜笙歌


2007-08-29 07:00

跟蹤提及過的人和物:

上一則新聞: 中環出更:張永霖羅大佑夾band夠騎呢

 

講得馬季「開鑼飯」,梗有唔少馬會高層出席。由警隊過檔到馬會做保安「一哥」陳德立,就好罕有咁帶埋靚靚老婆Karen亮相,卓妮問佢點解收埋太太咁耐,依家先帶佢出?陳Sir就揭開謎底,話之前做警務處助理處長,雖然話得事,之不過早年負責查案,成日對住悍匪,唔知幾時得罪人;如果屋企人曝光,分分鐘畀人尋仇,惟有將太太收埋。

老婆頂唔順
陳Sir兩年前轉投馬會,見都係上等人,自然放心好多,所以每次應酬,都會帶埋太太出。不過做幼稚園師Karen似乎唔多鍾意蒲,仲猛咁同卓妮呻,話依家幾乎晚晚要陪老公應酬,搞到第日朝早差起唔到身返學,希望老公識做少應酬喎!見老婆度訴苦,陳Sir即刻幫太太笠高帽,大讚太太知書識禮,好體諒佢,仲成日佢社交禮儀,等佢出去見人得體好多喎。係囉,夫妻同心,互相遷就,自然Happy好多喇!

講番陳Sir,當年真係幾巴閉,佢係第一代擁有博士銜頭警官,任職警隊陣唔單止屢破大案,而且仲愛心爆棚添,好似○二年三月,佢放工車經過銅鑼灣告士打道,見到有個老翁畀車撞傷,佢立即義不容辭落車幫老翁急救。

卓妮

千億爭產案獨家絕密照片曝光
詳情請即瀏覽《龔如心遺產爭奪戰》專輯陳德立攬住太太Karen影番張合照,恩愛滿溢。(葉華英攝)

贊助商:

討論:
分享: