中環出更:徐立之話港大低調收尖子


2007-08-23 07:00
上一則新聞: 政情:(乙水)(乙水)轉玩搬竇德成肥尤捉迷藏..

 

本港大學爆發神童爭奪戰,中大成功破格取錄十四歲九優會考女狀元何凱琳,準備出年選讀醫科,而另一名英國高考考獲2A1B佳績神童沈詩鈞,又好大機會畀浸會大學取錄,港大隨時執輸。卓妮尋日咁香港會所門外遇到港大校長徐立之,佢話港大一向都有招收尖子,但好少做新聞!

徐校長話,以前十幾歲尖子都收過,但港大作風好低調,唔想向外公布!咁港大收過天才又有幾叻呢?徐校長就話首先要解決點樣界定為一個天才,但佢就無講點樣界定,只係話:「我就肯定唔係天才!」因為佢好辛苦先至考到入大學喎!

幾間大學都爭住取錄尖子,政府又有乜表示呢?卓妮早幾日遇到育局局長孫明揚,問佢會唔會同呢兩位天才兒童見面,打一打氣,點知孫公話:「其實香港天才好多!」咁會唔會諗新政策去幫呢天才呀?孫公就話政府一向都有配套措施,如果唔係,點會有學生跳到班呀!

卓妮

千億爭產獨家直擊陳振聰行蹤曝光
詳情請即瀏覽《龔如心遺產爭奪戰》專輯

「皇后」即將清拆請願人士或再上訴
詳情請即瀏覽《皇后碼頭最後的一夜》專輯徐立之話港大一向有招收尖子,只係無向外公布!(葉華英攝)孫明揚話香港好多天才兒童,唔使特別去見面。

贊助商:

討論:
分享: