謝偉俊的故事-第4頁
新年檔假期特別多新戲上，立法會超人謝偉俊（Paul）尋日就住一身應節棗紅色長衫現身中環ＩＦＣ戲院，原來阿Paul好鍾意長衫，佢仲話可能會星期三返立法會「威威」添。
針對東方放生《蘋果》 東方報業旗下兩份報紙《東方日報》和《太陽報》曾刊登外國女星KellyBrook的打格照片，被評審為第二類不雅，但壹傳媒旗下的《蘋果日報》刊登同一輯照片，卻被評為第一類非不雅物品，謝偉俊說：「不僅當官的親疏有別，對待傳媒亦同樣，作為司法機構，處理手法很不正確，我認為需要增加指引，並從多方面檢討。
旅遊界立法會議員謝偉俊（Paul）同白姐姐聖誕節飛去美國新澤西州探親之餘，最後兩日仲去拉斯維加斯賭城同「金勞詹」詹培忠會合，於是好多人就以為阿Paul專程去為金勞詹呢個親密朋友打氣，但其實佢主要係去視察名下物業災情，事關阿Paul拉斯維加斯擁有六個物業，近期樓價跌到阿媽都唔認得，所以要過去收拾殘局。
金融服務界議員詹培忠和旅遊界謝偉俊（Paul），新一屆立法會合組「詹Sir聯盟」，投票意向永遠拍住上，所以人人視阿Paul為金勞詹得意門生，不過金勞詹就唔肯確認阿Paul呢個徒弟地位。
立法會旅遊界超人謝偉俊（Paul）對白色情有獨鍾，手提篋係白色，又有架八一年白色舊Benz，無非都係證明畀人睇心愛「白姐姐」白韻琴，但點解佢又鍾意桃紅色保時捷（波子）911CarreraRs呢？唔係阿Paul鍾意桃紅色傻豹，實情係佢笑自己鍾意老餅。
政策零散冇創意 謝偉俊認為，內地個人遊過去曾振興本港旅遊業，但現時效應已淡化，政府要想方法改善亦要有新的思維，特別在加強監管不良銷售手法，在景點和配套及旅遊政策等亦應多作計劃。
新一屆立法會尋日召開第一次內務委員會，新丁議員謝偉俊（Paul）繼續全黑色中山裝示人，不過心口針並唔係上次充滿野性非洲野豹，而係由白色同粉紅色閃石組成、可愛度爆燈啤啤熊。
「旅遊界超人」謝偉俊（Paul）未上任就話要拆旅發局招牌，不過話口未完，阿Paul尋日就轉晒口風，話對旅發局咁鬼惡，無非為開天殺價，根本冇心趕絕對方，佢又自爆日內會同旅發局總幹事劉鎮漢見面，坐低慢慢傾，但就未知旅發局主席田北俊會否現身。
候任旅遊界議員謝偉俊（Paul）同白姐姐呢對政壇神鵰俠侶，尋日一齊接受電視訪問，白姐姐話阿Paul得償所願成功當選，梗係覺得開心，但如果有得畀佢揀，佢情願阿Paul唔去選，因為參選係「不務正業」。
爭取解散旅發局 謝偉俊接受本報專訪時表示，自己其實非常理性溫和，但遇上不公義事情，就會據理力爭，甚至不惜利用出位行為引起社會關注，指外界將他形容為「惡人」甚至「怪人」，純粹是誤會，他說：「大家可以放心，我入到議會後唔會再條條fing！」對於因裸照事件而被停律師牌一年，他承認當年處事欠缺智慧，但若非被罰停牌，令他可全力專注選戰，今次也未必可以當選，可謂「塞翁失馬，焉知非福」。
透過旅遊界當選立法會議員謝偉俊曾經幫周刊拍過裸照，又試過「紅底」以「法律超人」形象示人，今次佢爆冷當選，唔少人都擔心佢開會期間，學長毛咁扮鬼扮馬博宣傳。
但旅議會主席何柏霆就唔受呢套，阿Paul踩完場冇耐，何柏霆返旅議會，問佢點睇謝偉俊投訴？佢即時反擊話，旅議會未開特別會員大會傾「阿聯酋」單，係因為未湊夠開會人數。