滙豐控股2010年3月3日的故事
政情：陳茂波張建東齊撐「大笨象」
2010年3月3日
（何偉鴻攝）有信心無緣買阿Paul今次入貨係繼去年決定滙豐供股後再投下信心一票，佢話滙豐係一間有實力嘅銀行，資產穩健程度全球排第一，加上金融海嘯後滙豐可能有機會收購一啲經唔起考驗嘅銀行，可以令資產更加穩健，唔怪得佢咁有信心啦！身兼滙豐控股非執董嘅行政會議成員張建東（Marvin），同樣對滙豐充滿信心，可惜無緣買到滙豐股票，點解呢？Marvin話，以前做會計師嘅時候，滙豐係佢公司嘅客戶，所以唔買得滙豐股票，到後來買得，又因工作忙唔記得買；現時做咗滙豐非執董亦都無買，因為賣出買入都要申報及審批，所以到現在都係手持零股。